Skrywer: Brand Smit

VRYDAG 2 MEI 2014

Handeldryf op die finansiële markte is ’n skrywer se droom. Daar is die storie dat jy (in teorie) geld kan maak op jou eie tyd en in jou eie werksplek. Omdat die “trader” nie hoef te verskyn aan enige iemand nie, wat nog te sê om te probeer om iets aan iemand te verkoop, is dit ook ’n eerlike manier om geld te maak.

Wat ’n mens egter nie altyd verwag nie, is die spektrum van emosies: teleurstelling, optimisme, hoop, en hoe jy voel wanneer jy ’n fout maak wat veroorsaak dat al die klein winste wat jy oor die laaste uur opgebou het, weer in die sloot beland.

Goed en wel, as jy so ’n wye reeks emosies ervaar in een sessie, maak jy sekerlik te veel foute, en het jy sekerlik nog ’n pad om te gaan. Maar selfs hierdie foute voorsien die skrywer van goeie materiaal. Dat jy besig is om foute te elimineer en meer en meer regte aksies te neem is ’n reis, ’n proses van selfontdekking – ’n storie vol versigtige optimisme.

Deur hierdie hele proses leer jy dat die einddoel nie net is om geld te maak nie, maar om jou emosies onder beheer te kry, om kalm te kan bly onder druk en te doen wat jy weet reg is. Dit gaan daaroor om vertroue op te bou in wat jy doen, om te weet hoekom jy dit doen, en hoekom jy op die regte pad is. Dit gaan daaroor om te weet hoekom jy uiteindelik suksesvol sal wees, en om te glo in jouself as ’n agent om hierdie eindresultaat te bewerkstellig.

______________________

WOENSDAG 2 APRIL 2014

Ek lees tans die boek, Mrs. Bridge, deur Evan S. Connell, gepubliseer in 1959. Dit vertel die storie van die hoër-middelklas Bridge-familie van Kansas City in die 1920’s en 1930’s, meestal vanuit die perspektief van Mevrou Bridge van die titel.

Mevrou Bridge se lewe draai om haar kinders en haar sosiale lewe. Die sosiale omgewing waarbinne sy beweeg word beskryf as “unity, sameness, consensus, centeredness”.

Nie veel dramaties gebeur ooit in haar lewe nie, hoewel sy soms gekonfronteer word met ongemaklike kwessies soos klasbewussyn. Sy onthou ook dat haar een vriendin haar een keer gevra het of sý ook soms voel asof sy uitgehol en leeg aan die binnekant is. Hierdie vraag kom by haar op die dag toe sy verneem dat dieselfde vriendin haarself om die lewe gebring het.

Volgens die Wikipedia artikel oor die boek het dit nie heeltemal die aandag gekry wat dit dalk toegekom het nie:

By 1962, when critic Michael Robbins proclaimed that Mrs. Bridge answered the question asked by writer and social critic, “what kind of people we are producing, what kinds of lives we are leading”, the novel was already out of print: readers of College Composition and Communication were urged to write the publishers in hopes of getting the book reprinted. In 1982, when both Bridge books were republished [Mr. Bridge het gevolg in 1969], Brooks Landon, in The Iowa Review, commented that “Connell seems to have become one of those writers we know to respect but may not have read”.

Een van Mrs Bridge se konfrontasies met klasbewussyn vind plaas een dag in ’n boekwinkel, toe sy deur ’n boek blaai met die titel, The Theory of the Leisure Class, ’n werklike 1899 boek deur Thorstein Veblen. Die boek word beskryf as sosiale kritiek oor die gewoontes en leefstyl van finansieel gemaklike lede van die middel en hoër-middelklas. Dit fokus veral op hoogs sigbare spandering van geld:

Conspicuous consumption is the spending of money on and the acquiring of luxury goods and services to publicly display economic power—either the buyer’s income or the buyer’s accumulated wealth. Sociologically, to the conspicuous consumer, such a public display of discretionary economic power is a means either of attaining or of maintaining a given social status.

Moreover, invidious consumption, a more specialized sociologic term, denotes the deliberate conspicuous consumption of goods and services intended to provoke the envy of other people, as a means of displaying the buyer’s superior socio-economic status.

Die artikel gaan voort:

In the 19th century, the term conspicuous consumption was introduced by the economist and sociologist Thorstein Veblen (1857–1929), in the book The Theory of the Leisure Class: An Economic Study in the Evolution of Institutions (1899), to describe the behavioural characteristics of the nouveau riche (new rich) social class who emerged as a result of the accumulation of capital wealth during the Second Industrial Revolution (ca. 1860–1914). In that social and historical context, the term “conspicuous consumption” was narrowly applied to describe the men, women, and families of the upper class who applied their great wealth as a means of publicly manifesting their social power and prestige, be it real or perceived.

______________________

WOENSDAG 15 JANUARIE 2014

Advies aan buitelanders om ’n gemaklike tyd te geniet in ’n vreemde land:

1. Vat dit rustig – niemand hou van ’n senuweeagtige buitelander nie.

2. Probeer om dit te vermy om plaaslike mense aanstoot te gee. Jy hoef nie alles perfek te doen nie (sien punt 1), maar jy sal baie baat daarby as jy moeite doen om ’n paar basiese moets en moenies te leer van die plaaslike kultuur.

VRYDAG 21 FEBRUARIE 2014

15:15

Vang weer so ’n gevoel van, “Wat is ek veronderstel om te doen?”

Wil eers sê, “Die antwoord is seker om geld te maak …”

Toe onthou ek: Maak die lewe die moeite werd vir jouself. Dis jou eerste prioriteit, jou eerste taak, jou eerste verantwoordelikheid.

20:53

Vra jouself: Wat het ek vandag gedoen om my lewe die moeite werd te maak?

SONDAG 23 FEBRUARIE 2014

11:37

Ons raak maklik opgewerk oor elke ongeregtigheid waarvan ons bewus gemaak word, of elke keer wat ons dink iemand minag ons, of is onredelik ongeskik met ons.

Vra jouself: “Kan ek iets daaraan doen?”

Indien nie, wat help dit om ontsteld te raak? Jy slaan net jou eie wind uit, en geen van die mense wie jy verantwoordelik hou vir die ongeregtigheid of wat die slegte gedrag vertoon, gee ’n duit om nie.

Kan jy wél iets daaraan doen?

Doen dit dan, sonder versuim.

En siende dat jy iets kán doen, en dit doen, hoekom dan jouself nog opwerk ook?

13:06

Om te weet wie jy is, is nie die einddoel nie.

Om te weet wie jy is, stel jou in staat om êrens te hoort, om deel te wees van iets groter as jyself.

Om deel te wees van iets groter as jyself en te voel jy hoort êrens, is egter ook nie die einddoel nie.

Die einddoel is om te glo jou lewe is die moeite werd om te leef.

Om te voel jy hoort êrens, is bevorderlik daarvoor om te glo jou lewe is die moeite werd om te leef.

Om oor ’n funksionerende identiteit te beskik (om te “weet wie jy is”), is bevorderlik daarvoor om te voel jy hoort êrens.

______________________

SATERDAG 7 DESEMBER 2013

Ek het ’n paar ure gelede NT$1 900 gespandeer op ’n handleiding wat gaan oor spekulasie op pryse in perdewedrenne op Betfair. Soos ek deur die PDF gelees het, het ek ’n paar dinge wys geraak wat ek nie geweet het nie. Tog, ek het bly wag vir die NT$30 000 per week geheime – dinge wat net die skrywer en die gelukkige kopers van die handleiding sal weet.

Soos ek sê, paar dinge geleer; geen geheime nie. Net soos wat daar geen geheime was in die gids oor “spread betting” wat ek in Julie gekoop het nie. Net soos wat daar geen geheime is in die benadering van die gerespekteerde Ian Erskine tot die koop-en-verkoop van pryse op sokkerwedstryde nie.

Tog maak mense geld met hierdie aktiwiteite, jaar in en jaar uit.

Vir maande lank het ek getoets wat Chris Elliott mense leer in sy “Trading FX for Profit” handleiding – geen geheime nie, maar wel ’n paar goeie idees en ’n paar brokkies advies. Die idees werk. Nie elke enkele keer nie, maar as jy die storie benader met dissipline en ’n kalm gemoed en jou posisie sluit wanneer jy moet (wen of verloor), maak jy geld, jy betaal huur, jy koop kos, en jy gaan op vakansie. Soos wat die man verduidelik in sy handleiding. En jy doen dit sonder om enige geheime te ken.

Wat is dan die verskil tussen die mense wat suksesvol is met hierdie maniere van geldmaak, en die mense wat aanhou om die bodem te krap? En wat moet ’n mens doen om deel te word van die suksesvolle groep?

’n Goeie plek om te begin is om uit te sorteer presies wat jy wil doen, wáár en vir hoe lank elke dag. Dan moet jy leer ’n paar basiese beginsels – deur artikels te lees, handleidings deur te werk, video’s te kyk, en te leer uit jou eie ervaring. Dinge wat nie oornag gaan gebeur nie maar wat jy definitief moet ontwikkel sluit in ’n positiewe houding, emosionele standvastigheid, en dissipline. Verstellings moet ook gemaak word aan die omgewing waar jy werk om dit bevorderlik te maak vir sukses. Dan, wanneer jy gereed is, pas toe wat jy geleer het, so gereeld as moontlik.

Die alternatief is om aan te hou soek vir geheime kennis wat jy reken net ’n uitgesoekte groepie mense weet. Enigste ding is, ek het ’n fyn gevoel jy gaan lank soek, en dalk net lank die bodem krap.

______________________