Hierdie blad bevat woorde wat begin met “H” tot en met woorde wat begin met “L”. Dit kom uit ’n projek getiteld, Sê dit beter, volume 1.
hebsug – sterk begeerte om goed te besit, gierigheid, inhaligheid
hoofgang – die prominentste koers (van ’n storie, gesprek, of geskiedenis)
hupstoot – om hoop of steun te gee, om aan te moedig
ingewyde – ingeligte, lid van die binnekring
innemend – vriendelik, gaaf, minsaam, sjarmant, bekoorlik
intrigeer – 1. knoei, konkel 2. belangstelling wek, nuuskierig maak, prikkel
invalshoek – kant of hoek waaruit ’n probleem of saak benader word
japtrap – kort rukkie, kort entjie, kits
kabaal – rumoer, bohaai, lawaai, herrie; groot wanorde
kamee – 1. edelsteen of siersteen wat bestaan uit lae van verskillende kleur 2. beskrywing of vertolking van iets of iemand in fyn detail
kartets – metaalbuis met skrootyster en ander inhoud wat uit ’n kanon of soortgelyke wapen geskiet word
keper – soos in, op die keper beskou; noukeurig nagaan of ondersoek
konsekwent – logies, ooreenstemmig, stelselmatig, beginselgetrou, beginselvas
kwetsend – kras (taal), bytend, skerp, sinies, snedig, wrang, krenkend, beledigend
kwyt – 1. verlore, beroof, weg 2. iets voltooi, jou plig doen
lakonies – bondig, kernagtig, saaklik
leedvermaak – om ’n ander se ongeluk, leed of swaarkry te geniet
legitimeer – goedkeur, wettig verklaar, bekragtig
loket – raamvormige opening in die muur van ’n kantoor of bo ’n toonbank
luidrugtig – hardop, lawaaierig, luidkeels, rumoerig
A – G »» H – L »» M – P »» R – T »» U – Z
______________________